Священник: Го́споди, поми́луй. (Трижды)
Седа́лен[50], глас 1
Гроб Твой, Спа́се, во́ини стрегу́щии[51], ме́ртви от облиста́ния[52] я́вльшагося А́нгела бы́ша, пропове́дающа жена́м Воскресе́ние. Тебе́ сла́вим, тли[53] потреби́теля[54]! Тебе́ припа́даем, Воскре́сшему из гро́ба и Еди́ному Бо́гу на́шему!
Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.
Песнь 4
Ирмос: На Кресте́ Твое́ Боже́ственное истоща́ние[55] прови́дя Авваку́м, ужа́сся, вопия́ше: Ты си́льных пресе́кл еси́ держа́ву, Бла́же, приобща́яся су́щим во а́де, я́ко Всеси́лен.
Сла́ва Тебе́, Бо́же наш, сла́ва Тебе́.
Седьмы́й день днесь освяти́л еси́, его́же дре́вле благослови́л еси́ упокое́нием дел: прево́диши[56] бо вся́ческая и обновля́еши, суббо́тствуя, Спа́се мой, и назида́я.
Сла́ва Тебе́, Бо́же наш, сла́ва Тебе́.
Си́лою лу́чшаго, победи́вшаго Тебе́[57], от пло́ти душа́ Твоя́ раздели́ся, растерза́ющи[58] бо обоя́ у́зы, сме́рти и а́да, Сло́ве, держа́вою Твое́ю.
Сла́ва Тебе́, Бо́же наш, сла́ва Тебе́.
Ад, Сло́ве, срет[59] Тя, огорчи́ся[60], челове́ка зря[61] обоже́на, уя́звлена[62] ра́нами, и Всесильноде́теля, стра́шным же зра́ком поги́бе[63].
Сла́ва Отцу́ и Сы́ну и Свято́му Ду́ху.
И ны́не и при́сно, и во ве́ки веко́в. Ами́нь.
Катавасия: На Кресте́ Твое́ Боже́ственное истоща́ние прови́дя Авваку́м, ужа́сся, вопия́ше: Ты си́льных пресе́кл еси́ держа́ву, Бла́же, приобща́яся су́щим во а́де, я́ко Всеси́лен.
Песнь 5
Ирмос: Богоявле́ния Твоего́, Христе́, к нам ми́лостивно бы́вшаго, Иса́ия, Свет ви́дев невече́рний[64], из но́щи у́треневав[65] взыва́ше: воскре́снут ме́ртвии, и воста́нут су́щии во гробе́х, и вси земноро́днии[66] возра́дуются.
Сла́ва Тебе́, Бо́же наш, сла́ва Тебе́.
Новотвори́ши[67] земны́я, Созда́телю, пе́рстен[68] быв, и плащани́ца и гроб явля́ют е́же в Тебе́ Сло́ве, та́инство. Благообра́зный бо сове́тник[69], Тебе́ Ро́ждшаго сове́т[70] образу́ет[71], в Тебе́ велеле́пно[72] новотворя́щаго мя.
Сла́ва Тебе́, Бо́же наш, сла́ва Тебе́.
Сме́ртию сме́ртное, погребе́нием тле́нное прелага́еши[73], нетле́нно твори́ши бо, боголе́пно безсме́ртно творя́ прия́тие[74], плоть бо Твоя́ истле́ния не ви́де, Влады́ко, ниже́[75] душа́ Твоя́ во а́де странноле́пно[76] оста́влена бысть.
Сла́ва Тебе́, Бо́же наш, сла́ва Тебе́.
Из Небра́чныя[77] проше́д, и прободе́н в ре́бра, Соде́телю мой, из Нея́ соде́лал еси́ обновле́ние Е́вино, Ада́м быв, усну́в па́че естества́[78] сном есте́ственным, и жизнь воздви́гнув от сна и тле́ния, я́ко Всеси́лен.
Сла́ва Отцу́ и Сы́ну и Свято́му Ду́ху.
И ны́не и при́сно, и во ве́ки веко́в. Ами́нь.
Катавасия: Богоявле́ния Твоего́, Христе́, к нам ми́лостивно бы́вшаго, Иса́ия, Свет ви́дев Невече́рний, из но́щи у́треневав взыва́ше: воскре́снут ме́ртвии, и воста́нут су́щии во гробе́х, и вси земноро́днии возра́дуются.
Песнь 6
Ирмос: Ят бысть[79], но не удержа́н в пе́рсех[80] ки́товых Ио́на: Твой бо о́браз нося́, Страда́вшаго и погребе́нию да́вшагося, я́ко от черто́га от зве́ря изы́де. Приглаша́ше[81] же кустоди́и[82], храня́щии су́етная и ло́жная, ми́лость сию́ оставили есте́.
Сла́ва Тебе́, Бо́же наш, сла́ва Тебе́.
Бие́н был еси́[83], но не раздели́лся еси́, Сло́ве, ея́же причасти́лся еси́ пло́ти[84]: а́ще бо и разори́ся[85] Твой храм во вре́мя стра́сти[86], но и та́ко еди́н бе соста́в Божества́ и пло́ти Твоея́. Во обои́х бо Еди́н еси́ Сын, Сло́во Бо́жие, Бог и Челове́к.
Сла́ва Тебе́, Бо́же наш, сла́ва Тебе́.
Человекоуби́йственно, но не богоуби́йственно бысть прегреше́ние Ада́мово: а́ще бо и пострада́ Твоея́ пло́ти пе́рстное[87] существо́, но Божество́ безстра́стно пребы́сть, тле́нное же Твое́ на нетле́ние преложи́л[88] еси́, и нетле́нныя жи́зни показа́л еси́ исто́чник Воскресе́нием.
Сла́ва Тебе́, Бо́же наш, сла́ва Тебе́.
Ца́рствует ад, но не ве́чнует над ро́дом челове́ческим: Ты бо, поло́жся во гро́бе, Держа́вне, живонача́льною дла́нию, сме́рти ключи́ разве́ргл[89] еси́ и пропове́дал еси́ от ве́ка та́мо спя́щим избавле́ние нело́жное, быв, Спа́се, ме́ртвым пе́рвенец.
Сла́ва Отцу́ и Сы́ну и Свято́му Ду́ху.
И ны́не и при́сно, и во ве́ки веко́в. Ами́нь.
Катавасия: Ят бысть, но не удержа́н в пе́рсех ки́товых
Ио́на: Твой бо о́браз нося́, Страда́вшаго, и погребе́нию да́вшагося, я́ко от черто́га от зве́ря изы́де. Приглаша́ше же кустоди́и, храня́щии су́етная и ло́жная, ми́лость сию́ оставили есте́.
Примечания
1
При составлении практических комментариев к тексту богослужения использовались «Богослужебные указания» (Издательство Московской Патриархии), примечания Типикона и Триодей, а также приходская практика храмов Русской Православной Церкви.
2
Постоянно.
3
Который.
4
Как.
5
Дай нам на этот день.
6
Прости.
7
Т. е. грехи.
8
Не дай нам впасть в искушение.
9
Более всего.
10
Я.
11
Всегда.
12
Победишь, когда будешь судить.
13
Дай.
14
Ослабленные.
15
Во мне.
16
Т. е. от вины за пролитую кровь.
17
Если.
18
Я дал бы.
19
Жертву всесожжения.
20
Облагодетельствуй.
21
Сложное многострофное церковное молитвословие, канон состоит из нескольких песен, каждая из которых открывается ирмосом – особой поэтической строфой. Далее к ирмосу добавляются различные тропари, перемежающиеся припевами. В приходской практике ирмос канона поется, а припевы и тропари читаются.
22
Т. е. фараона (см. Исх. 15: 4).
23
Т. е. дети спасенных (от египетского рабства).
24
По богослужебному Уставу, тропари этого канона читаются дважды, трижды и четырежды, однако в приходской практике их обычно читают единожды.
25
Припевы здесь не поются, а читаются священником.
26
Отходное.
27
На высоте.
28
Внизу.
29
Надмирные.
30
Сотрясались.
31
Превыше понимания.
32
Начальник жизни.
33
Естество мое.
34
Ирмос, который поется в конце каждой песни канона. Название происходит от греческого слова, которое переводится как «спуск», «сошествие»: в древней византийской практике оба хора сходились в центр храма для совместного пения катавасии.
35
Без опоры.
36
Творение.
37
Лобном месте.
38
Нет Святого.
39
Кроме.
40
Богочеловечески.
41
Находящимся.
42
Распростер руки.
43
Разделенное.
44
Скованные.
45
Освободил.
46
Удержан.
47
Добровольно.
48
Действительно.
49
Творение.
50
Краткое молитвословие, во время которого разрешается сидеть.
51
Охранявшие.
52
Сияния.
53
Тления.
54
Истребителя.
55
Принижение, умаление.
56
Изменяешь.
57
Когда Ты победил.
58
Расторгая.
59
Встретив.
60
Ожесточился.
61
Видя.
62
Изъязвленного.
63
Т. е. погиб от страха пред этим образом.
64
Т. е. незаходимый, немеркнущий.
65
Бодрствуя.
66
Живущие на земле.
67
Обновляешь.
68
Созданным из праха.
69
Знаменитый член совета (т. е. Иосиф Аримафейский).
70
Замысел.
71
Представляет.
72
Величественно.
73
Изменяешь.
74
Бессмертным делая то, что принял.
75
Ни.
76
Дивным образом.
77
Безбрачной (т. е. Девы Марии).
78
Сверхъестественно.
79
Был объят.
80
Недрах.
81
Взывал.
82
Стражникам.
83
Ты был убит.
84
Плоти, с которой соединился.
85
Разрушился.
86
Страдания.
87
Созданное из праха.
88
Изменил.
89
Расторг.