Сборник "Викиликс" - Литургия святого апостола Иакова стр 2.

Боже Вседержителю, Великоимените Господи, давый нам вход во Святое Святых пришествием Единороднаго Твоего Сына, Господа же и Бога, и Спаса нашего Иисуса Христа, молим и просим Твою благостыню, ибо в страхе и трепете пребываем, хотяще предстати святому Твоему жертвеннику: ниспосли на нас, Боже, благодать Твою благую, и очисти наша души и телеса и духи, и обрати помыслы наши ко благочестию, да в чистой совести принесем Тебе дары, даяния, плоды, во истребление согрешений наших и во умилостивление за вся люди Твоя. Благодатию и щедротами, человеколюбием Единороднаго Твоего Сына, с Нимже благословен еси во веки веков.