Заклинаю тя, зависти глубина преестественная, в вертограде молитвою Господнею и каплями крове, яко пот от пречистаго тела его на землю капнувшими. Убойся сих, доброненавистниче и погибели сыне, и скоро изыди!
Заклинаю тя, прелести всякия источниче, изволившим связан, биен и веден к Анне и Каиафе, заушен же и оплеван, и люто мучим в нощь быти, и Пилату представшим, и от него много истязанным мучимый, и у столпа нагопривязанным, и битым, и в хламиду на ругание облеченным, венцем терновым обложенным, тростию по главе биенным, от Ирода укоренным и поруганным, и на смерть от Пилата осужденным. Убойся сего, древняя злоба, всякия муки достойный, и его лютых болезней, и страшных, вам же спасенных мук, имиже твою немощную силу сокруши, и с трепетом в бегство претворися!
Заклинаю тя, с небесе спадшаго, Деннице, на смерть ведомым Господем и крест свой понесшим, и многая уничижения, и раны тогда от верующих его спасения нашего погибели же тогда от верующих его ради претерпевших!
Заклинаю тя, безстудный оболгатель и клеветниче, наго на кресте посреде двою разбойнику пригвожденным, оцтом и желчию напоенным и лютыми и неизглаголанными болезнми Его, яже лютыми на кресте нашего ради спасения, осуждения же твоего, диаволе, претерпе; и святыми Его пречистыя крове нещадными излиянии. Убойся сих, Божий враже и лжи, и лукавства источниче, ужаснися и абие изыди!
Заклинаю тя, безстудный оболгателю и клеветниче, седмию словес Господних на кресте на спасение наше, на твою вечную погибель изреченными, и животворною его смертию, еюже мы ожихом, ты же умерщвлен еси. Убойся сего, всякия благости вечно осужденниче, возстени и скоро исчезни от создания сего!
Заклинаю тя, всякия правды противниче, Тем, егоже солнце на кресте висяща, видевши, померче и земля вострепета, и завеса церковная раздрася, и его же силою камение распадошася и гробы отверзошася, и телеса усопших святых восташа и, по воскресении Его, внидоша во святый град, Иерусалим, и явишася многим. Убойся сего, суровый мучителю и лукавства бездно, и скоро изыди, устранися от создания сего.
Заклинаю тя, развратниче вселукавый, прободением пречистаго ребра Господня, из негоже истече кровь и вода в наше спасение и обновление, в твое же конечное сотрение и силы твоея сокрушение. Убойся силы сего огня вечнаго вещество и скоро устранися!
Заклинаю тя, безчиния всякаго и раздорства изобретателю, Боготелесным Господа нашего, Иисуса Христа, погребением и всесильным Его во ад с душею и Божеством сошествием, иже тамо силою своею Божественною тебе, во злобе сильнаго злоначальника, связа и силы твоя, твоея злобы, изпраздни, и души праведных, тамо связанных плени, и с Собою, яко силен в крепости, возведе. Убойся сего, вечнаго Божия гнева наследниче, и скоро от создания сего отъиди!
Заклинаю тя, крамольниче наветливый, смертию смерть поправшим и твою мучительскую державу разрушившим, преславно же из мертвых силою своего Божества самовластно воскресшим, Господем нашим, Иисус Христом. Убойся крепкаго победоносца, Божий сопротивниче и погибельный сосуде, и стрепетно вскочи, устранися!
Заклинаю тя, клятвы осуждения наследниче, по воскресении своем апостолом своим преславно плотию явившимся и мир свой тем, и власть свою на прогнание тебе давшим, и с ними рыбы печеной и от пчел сот ядшим, и Фому прикосновением своих ребр пречистых, ручных же и ножных язв уверившим и четыредесять дней на земли пребывшим. Убойся сего, вечныя муки повинниче, скоро изыди и далече отскочи от создания сего!
Заклинаю тя, мерзкий и всякия нечистоты исполненный душе, плотию вознесшимся на небеса Господем нашим Иисус Христом, со славою одесную отца седящим и, скончавшимся днем Пятьдесятницы, по своему неложному обещанию Духа Святаго, от Отца исходящаго, на своя апостолы во огненных языцех ниспославшим, и тем благоразумием тем же весь мир просветившим, и от идолослужения к себе обратившим, тебе же и твою лесть испразднившим. Убойся, всякой злобы неистощимая пучино, вострепещи, убойся, отбежи!
Заклинаю тя, напрасный, свирепый и напущенный душе, паки со славою многою на облацех грядущим судити живых и мертвых великим Богом и Спасителем нашим, Иисус Христом, тебе же и всю споспешную, злобную силу вечному огню в нескончаемую муку предати хотящим. Убойся сего, дух хищный, зверю, огня же геенскаго и муки вечныя виновниче! Изыди, что медлиши? небесныя брани побежденный начальниче! Отступи, Божий отступниче! Устранися, Богом побежденный хульниче! Бежи, Христом испражненный и попранный, враждоначальниче!
Бог, сильный в крепости и крепкий в силе, страшный в бранех и дивный в чудесех, – Той тебе, милости недостойному, всякия неправды исполненному и светоносия лишенному прелестнику, крепко и грозно мною, рабом своим (имя) повелевает отъити от создания сего в пустая и безводная места, идеже ниже человек, ниже зверь обитает, и ктому во веки не возвратитися к нему, яко сила и держава, царство, слава Христа Бога нашего с безначальным его Отцем и пресвятым, и благим, и животворящим его Духом ныне и присно, и во веки веков. Аминь".
Утренняя молитва
"Ангелю мой,
Сохранителю мой,
Сохрани душу мою,
Скрепи сердце моё.
Врагъ-сатана,
Отступись от меня -
Есть у меня
Почище тебя,
Да получше тебя:
Марко да Лука,
Третей Никита, святого мученик,
За меня муку терпит,
За меня Христа молитъ;
Есть Иванъ-богослов,
Друг Христов.
Поперед меня крест,
Назади меня крест,
Я крестом крестилась (лся),
"Богородицей" оградилась.
Господи, благослови.
Аминь".
Молитва Антипе чудотворцу
"О, великий священномучениче Антипо, помилуй мя, грешнаго раба своего (имя), от такой великой и тяжкой болезни зубовной, тебе бо дана от Бога таковая благодать – целити болезнь зубную. О, великий священномучениче Антипо, помилуй мя, грешнаго смиреннаго раба своего (имя); виждь мою скорбь и воздыхание и преложи мою печаль".
Молитва за усопших
"Упокой, Господи, в великом житие сем, яко человек согреши, яко человеки Бог простит и помилует их, вечныя муки избавит и причастия ученикам нашим болезням сотвори. Избавь, Господи, от вечныя муки раб и рабынь, и родительския души безгрешныя и безвременныя. Отведи меня, Господи, от муки от вечныя, от огня от горючаго, от смолы от кипучия, от червей от ядучиих, от морозов трескучиих, раба Божия (имя), ныне и присно. Аминь".
Урошная молитва
"Стану я, раб Божий, благословясь, пойду, перекрестясь; пойду из избы в двери, из дверей воротами; пойду я, раб Божий, в чистое поле, под красное соньце, под светлой мисець, под частыя звезды, под теплыя оболока. Я, раб Божий, теплыми оболоками оболокуся, частыми звездами вокруг сибя обтычуся, утренной зарей оповяжуся, вечерней зарей опояшуся. Пойду я, раб Божий, ко святу Окияну морю, есть свят остров там; на святе острову лежит белый камень Латеръ; на том камне стоит церковь папы Римской; в ефтой церкве стоит злат пристолъ; на злате пристоле сидит сам Исус Христос, Матерь Божья, Цяриця небесная, в злате ризе, держит золото перо и смахивает, и спихивает, и сдувает, сметает со свята Окияна желту пену. Я ей покорюся и помолюся, от бела лиця до земли поклон возложу: смахни и спихни с милые с моия скотинки, с целовика или животинки; отсылай и посылай в темные леса, в зеленыя дубровы злые уроки, злые призоры и пакосные слова. Тут бы жили оне во век, от ныне и до веку. Клюць в море, замок в рте. Аминь".
* * *
"Господи Боже, Господи благослови. Во имя Отца и Сына, и Святаго Духа. Лягу я, раб Божий (имя), благословясь, стану, перекрестясь; умоюсь святою утренней росой; утруся шитой, браной пеленой, и пойду я, раб Божий (имя), в чистое поле, в востошную сторону. В востошной стороне стоит злат столпъ; на злате столпе сидит стар муж – Свят Дух. Святым Духом снимает и сдувает уроки, призоры и лихие приговоры от одноволоса, двоеволоса, троеволоса; одноглаза, двоеглаза и троеглаза; однозуба, двоезуба, троезуба; одногуба, двоегуба и троегуба; однодумця, двоедумця и троедумця; от попа, от попадьи; от дьякона, от дьяконицы; от дьячка, от дьячихи; от бабушки просвирни, от бабы нерасчески, от девки волосогрызки; от колдуна, от колдуньи, от своея думы крепкия. Подьте же вы в широкие леса, в глубокие омуты, там вам жить добро, спать тепло. Будь моя молитва крепка и липка: хитряе хитрова хитрока, мудряя мудрова мудрока. Кои слова были в забытье, будьте те слова по путе. Мало молодо, крепче булатнаго меча, вострее вострова ножа. Замок крепок, ключ во рте. Замка из моря не доставывати, ключа изо рту не вынимывати и мою мольбу не испорчивати".