89 առողջարաններում, հանգստյան տներում, պանսիոնատներում և զբոսաշրջային կենտրոններում տարեկան բուժվում և հանգստանում էին հարյուր հազարավոր մարդիկ։ Հանրապետության սահմաններից շատ դուրս քաջ հայտնի են Արզլիի, Ջերմուկի, Դիլիջանի, Սևանի և այլ հանգստավայրերը։
Լայն զարգացում ունեցավ սպորտը։ 1981 թվականի սկզբին հանրապետությունում կար 24 մարզադաշտ։ 89 ֆուտբոլի դաշտ և 979 վոլեյբոլի, բասկետբոլի և թենիսի կորտեր։ Մարզիկների ընդհանուր թիվը կազմում է 720 հազար մարդ։ 1970 թվականից գործում է «Հրազդան» հանրապետական մարզադաշտը, որը տեղավորում է մինչև 75 հազար հանդիսական։
Հանրապետությունում գիտական մտքի զարգացման կենտրոնը ՀԽՍՀ ԳԱ-ն էր, որը հիմնադրվել է 1943թ., 1980թ.
88 ակադեմիկոս և թղթակից անդամներ։ Հանրապետությունում գործում էին տարբեր պրոֆիլի հարյուրավոր գիտական հաստատություններ։ Խորհրդային Հայաստանում զարգացան ժամանակակից գիտության այնպիսի խնդիրներ, ինչպիսիք են աստղաֆիզիկան, ռադիոճարտարագիտությունը, էլեկտրոնիկան, կիբեռնետիկան, կենսաքիմիան և ֆիզիոլոգիան, կենսաֆիզիկան, բիոնիկան և այլն։Բյուրականի աստղաֆիզիկական աստղադիտարանը համաշխարհային հռչակ էր վայելում։