540
Ст. [15] 14, р. VI I Литовского Статута, носящая название «В позвех жалобу маеть выразити», гласит: «Естли бы хто мел кого позвы позвати, тогды маеть жалобу свою в позвех выобразити» (Статут Великого княжества Литовского 1529 г. С. 77).
541
Ст. 1, р. VII I Литовского Статута, носящая название «Хто бы на чий дом наехал умысльне, хотячи его забити», гласит следующее: «Тэж уставляем, иж хто бы ни чий дом умысльне наехал, хотячи его забити, або нашол кгвалтом а моцъю, а в том бы дому когоколве ранил або забил, або хотя и не ранил никого, толко нашол кгвалтом, тот шию тратить; а головщина з ыменя его близким забитого маеть быти плачона, а противня до скарбу нашого господарского, также и ранам навязка. А естли бы тот, на чий дом наехано, або найдено, а, боронячися, з дому своего втек а головщина бы ся не стала ани раны, однак тот, который находил на дом шию тратить, а кгвалт маеть быти плачон господару домовому, а што бы того именя назвыш зостало, то у вине господарской» (Статут Великого княжества Литовского 1529 г. C. 84).
Ст. 16, р. VII I Литовского Статута, озаглавленная «Хто бы на кого дорогу засел, а тот бы был зранен», повествует: «Тэж, етли бы который шляхтич кому иному дорогу засел а заступил, хотя бы не одному самому, хотячи их зранить або злупити, або забити, а в том тот, который доброволную дорогу заседал, через которого оных, на которых ся кинул, забит был: и естли бы ближние того забитого хотели на том присягнути, иж оный его забил за его початком, тогды меть головщину платити. А естли бы ближние не хотели присягнути, иж есмо при том не были, тогды тот мает ся отприсягнути сам-третий з двема шляхтичи, то ест хотя бы его слуги были шляхтичи, и не будеть повинен таковый головщины платити. А веджо так, иж тую головщину вчинил, боронячи живота своего за початком того забитого, от вины и от головщины прожен» (Статут Великого княжества Литовского 1529 г. C. 88).
542
Ст. 3, р. XII I Литовского Статута, озаглавленная «Хто бы под шляхтичом або под шляхтянкою грабеж вчинил», гласит: «Тэж уставуем: хто бы под шляхтичом або под шляхтянкою грабеж вчинил: кони побрал або в костела, або на торгу, або на поли, або в пиру, а хотя бы бою жадного не вчинил, абы одна персуна не была при кони або слуги, або перед слугою коня взял, або с воза выпрег, хотя бы и оная парсуна при том не была, а было бы переведено слушным доводом, тогды оный, который грабил, маеть то оправити ему, яко бы шляхтичу або шляхтянице рану, дванадцать рублев грошей» (Статут Великого княжества Литовского 1529 г. С. 120).
Ст. 5, р. XII I Литовского Статута «Хто чиего чиего чоловека пограбить» говорит следующее:
«Тэж естли бы шляхтич чиих мужиков пограбил на торгу або при церкви або на поли, або где-колве кони або животину на поли побрал в грабеж, а оный кому ся грабеж стал втек ся до права а на то довод вчинил, иж его пограбил, тогды первей с права маеть сказати три рубли навязати а грабеж вернути, то ж тепер маеть на оном, чого ему потреба, искати.
А естли бы оный, кого пограбил, тогды тот, хто грабеж за грабеж грабить, свою навязку тратить, а тому кого грабить маеть грабеж вернути и навязати» (Статут Великого княжества Литовского 1529 г. С. 120). О «Бессудном грабеже» говорит также ст. 67 Псковской Судной грамоты.
543
I Литовский Статут упоминает «пристава» в ст. 2 [3] р. XI «О бои и о головщины тивунов, и приставов, и инших врадников», гласящей: «Тивуну приставу ключнику головщины, хто бы его во враде забил, дванадцать рублей грошей, а навязки их во враде три рубли грошей. А естли бы который тивун або пристав з уряду были выставлены, тогды им головщина и навязка, яко и тяглому человеку. А естли бы паробок был во враде в тиунстве або в приставництве, головщина ему десять коп а навязка рубль до того часу, поки во враде; а если з ураду вызволены будут, тогды им головщина и навязка яко паробком» (Статут Великого княжества Литовского 1529 г. С. 114).
544
Ст. 11 «О звод шляхетства», р. III I Литовского Статута гласит: «Тэж уставуем: естли бы хто кому рек, же бы не был шляхтич, тогды тот, хто выводится, маеть поставити з отца и з матки два шляхтича, а тые мають присягнути. А пак ли ся будеть род звел, а он тубылец, тогды бояр шляхту околичных, которые бы знали его, иж ест шляхтич, маеть поставити. И мають тые бояре, которых он поставить, при нем присягнути иж он ест з роду шляхтич.
А пакли бы который чужоземец приежджчий был чоловек, тогды маеть ехати до земли своее который отколь ест, и там маеть вывести перед врадом шляхтство свое и з ураду под печатми листы маеть принести, выводячи шляхетство свое. А естли бы валка с тое стороны была, отколь он ест, тогды маеть поставити двух чоловеков шляхтичов, которое с тое стороны будуть отколь он, и мають при нем присягнути, иж ест з роду шляхтич; тыми маеть вывести (Статут Великого княжества Литовского 1529 г. С. 50).