* * *
"Ангеле христов, святы, преданный мне на соблюдение душы и телу моему грешному от святаго крещения. Аз же своею леностию и своим злым обычаем прогневал твою пречистую светлость, отгнах тя от себя всеми студными делы; лжами, клеветами, завистию, осуждением и презрением, непокорством, братоненавидением, злопомнением, сребролюбием, прелюбодеянием, яростию, скупостию, объядением без сытости, пиянством и многоглаголанием, злыми помыслы, горьким обычаем и блудным возбешением, имы самохотием на женски пол и мужески; злое мое произволение, его же и скоти безсловесни не творят. Сие да како уже возможеши возрети на мя, или приступить ко мне, аки ко псу смердятему? Которыми очами, ангеле Христоф, возриши на мя, отплетшаго вле и возгнуснех дел моих? Да кого уже возмогут просити отпущения злым и горьким моим деяниям, в няже впадаю по вся дни и нощы, и на всяк час. Помолитися и припаду я, хранителю мой святы, умилосердися о мне грешном и недостойном рабе твоем (имя); буди ми помощник и заступник на злаго моего сопротивника святыми твоими молитвами; и царствию Божию изведе, и в третий день и воскресе, и во славе велице на небеса взыде, и паки грядущий судити живым и мертвым, и воздати комуждо по делом его в онъже день вси мы грешничаем, а тебе кающимся милость получити и верующим во имя светое. Ты бо еси, Господи, Сам пречистыми усты рекъ: в онъже день аще обратится грешник и покается, жив будет и не умрет в веки. Но и аз, грешны раб твой (имя), того ради молютися, Господи, о своем согрешении и своего ради обещания отъради мя, Господи, отпусти грехи моя прежде разлучения души от тела моего; наведи мя, Господи, на путь истины. И ныне прошу и молюся, и каюся злых моих дел, Господи, спаси и ущедри, призри и посети, и умилосердися, и помилуй мя, грешнаго раба твоего (имя). Избави мя, Господи, от врагов в дому и на пути, и на воде, и на всяком месте. И победи, Господи, вся борющияся со мною. О, премилостивый Господи, человеколюбце, услыши мя грешнаго, вопиющаго Ти, к человеколюбцу Богу, взирающе на образа твои пречисты; надеюся на силу животворящаго креста своего и на Пречистую Твою Матерь, и на небесныя силы, и на пророка, предтечу и крестителя Твоего Иоанна, и на всех святых Твоих апостолов и пророков, и мучеников, и преподобных отець, и всех святых ради, Господи, приими мое покаяние грешнаго, избави мя, Господи, от вечныя муки, создавый мя, Господи, и помилуй мя, грешнаго, еже согрешихь без числа в мире сем. На Тя уповаю: спаси мя и даруй ми естественное ума и памяти, и многолюбиваго Твоего имени на призвание грешныхь Ти и Тебе пения находящих в мире. Без мущения безгрешен день сей подай же ми и зрети, яко ты един безгрешен и многомилостив, Человеколюбче, Господи Боже наш, и Тебе славу возсылаем Отцу и Сыну и Святому Духу ныне и присно и во веки веков. Аминь".
Молитва на прогнание от всякаго зла
"Сия мера взята бысть во Царе-Граде пястий 5-ти есть. Мера златаго креста Господня, еюже может меряти небесную высоту и земную долготу. Который человек на кой день зрит на сию грамоту, на тот день напрасною смертию не умретъ; сию грамоту на суде неправедны, суд того человека не судят, предприимет ему смертны; а имеет сию грамоту собе, кроме ей злы, а твоей душой не приемлет. Ангелы Ерог, Салеванил, Громожанил у всех приуготованных. Аще кто носит на себе меру сию, не боится зла человека, не чадо адовитаго, ни железа, ни притчи, ни жены злыя пакости сотворити не возмогут. Крест спаси и помози ми и помяни. Ангелы: Анутарасий, Восилутар, Еспъфедар, Наакът первенец, правда, премудрость, крепость, поламрар есть ми Матвей, Варфоломей и Вселъсамор. Господа Бога нашего Иисуса Христа Отец есть Саваоф и Сын, и Святый Дух, един Господь святый; и добро есть человеку носити святи сии вся спасения имена. Апостоле Павел принесе в церковь нараколов и отъемлема, дондеже призре Господь нас грешных, не остави нас кроме твоего заступления и избави Владыко многомилостиве помилуй раба своего (имя рек) от всякаго зла человека, и от всякой напасти. Аминь".
Молитва в бедах, скорбях, печалях
"Господи Боже, великий Царю, безначальный, пошли рабу своему (имя реку) архистратига Михаила, хранителя от враг моих видимых и невидимых. Хранителю мой, архистратизи Михаиле, буди мне грешному (имя) в бедах и скорбех, в печалех пустых утешителем, на реках сохранителем. Государя нашего Александра Павловича и весь двор его. Избави мя от прелести диявольския. О, великий архистратиже, победи вся противящия не силою Святаго Духа. Молитвами пресвятыя Владычицы нашея, Богородицы и Приснодевы Марии и всех святых. О великий Михаиле и Гавриило, научйте терпети, како наш Господь, Иисус Христос, прежде смерти крестныя, страдая, испустил 100 крат е слезных капель при страсте и своих и лиц п̃ѕ тысячном с̃н кровавых капель 8 крату, скє за власы главныя и за браду порван бе и влачим о̃ н̃ крат подкнув и пад на землю".
Молитва кресту от болезней
"Крест хранитель всея вселенныя, крест красота церковная, крест царем держава, крест верным утверждение, крест ангелом слава, крест бесам язва, крест человеком хранитель, крест рабу божию (имя) от бесовския болезни избавление: от мимохода и от черной трясавицы и от икоты, от грыжи от всякия, и от шепоты, или кто с ума собредет и на свадьбу ехать; крест на главе и на очех, и на сердце, и на руках, и на ногах, и в шеи, и в плечах, и в коленях, и во утробе и на всех 72 суставах и во всех 72 жилах наших…. Евангелисты Матфей, Марко, Лука, Иоанн Богослов даюше вам всем: мимоходе, икоте, трясцы и грыжи, свадебныя порчи, призоры и оговоры, всякому нечистому духу по четыре тысячи ран на всякий день и по другой тысячи на ночь, прогоняем вас черную мимоходу, икоту и трясцу, и грыжу, и всякую порчу, уроки, прикосы, оговоры и всякия находныя и наводныя, и напущенныя, и всякую порчу, тяготы и позевоты, тоску, сухоту со всеми нечистыми духи: идите вы, окаянные, проклятые со всеми болезнями своими ко отцу своему сатане на запад, и подите в тартарары, отпалиливый есте славы божия от Сына; на мне рабе божии опочивают силы Господа и Спаса нашего Иисуса Христа; крестная сила ангел хранитель, котораго дал Господь Бог от святаго крещения, на всяк день и ночь, на всякий час, на сохранение наше, и будет благость божия на рабе божии имя рек, ныне и присно и во веки веков, аминь".
Молитвы от двенадцати трясавиц и лихорадок
"За молитв святых отец наших, Господи Иисусе Христе, сыне Божие, помилуй нас, аминь. Тресвятое и по Отче наш. Господи помнлуй, 12. Слава и ныне. Приидите поклонимся Цареви нашему Богу, поклонимся. Приидите поклонимся Христу нашему, поклон. Приидите поклонимся и припадем к самому Иисусу Христу (имя), поклон".
* * *
"Во имя Отца и Сына и святого Духа аминь. Заклинаю вас окаянных трясавиц и дияволиц Богом Вседержителем и Господом нашим Иисусом Христом и святым именем Его и святым архангелом Михаилом и ангелом Сихаилом и четырьми евангелистами Матфеем, Марком, Лукою и Иоанном и святым отцем Сисинием, и положи крест в воду недержанную и погружай крест трижды с молитвою воскресною: и давай пить болящему воду сию по многия утра на тоще сердце, проглаголывай сию молитву над водою тако:
Ты еси трясея окаянная, отъиди,
Ты еси гнетея окаянная, отъиди,
Ты еси злобея окаянная, отъиди,
Ты еси гладея окаянная, отъиди,
Ты еси глущея окаянная, отъиди.
Ты еси ломея окаянная, отъиди,
Ты еси пухлея окаянная, отъиди,
Ты еси желтея окаянная, отъиди,
Ты еси неядея окаянная, отъиди,
Ты еси корчея окаянная отъиди,
Ты еси хрипущея окаянная, отъиди,
Ты еси плясея окаянная, отъиди.
Заклинаю вас окаянных святым Богом Саваофом и возлюбленным его сыном, Господом нашим Иисусом Христом и всесвятым и благим и животворящим его Духом, и всеми небесными его силами, и святым архангелом Михаилом, и ангелом Сихаилом, и четырьми Евангелистами и святого отцем Сисинием, побежите вы окаянныя трясавицы и дияволицы от раба Божий (имя) за 30 поприщъ; аще не побежите, то приведу на вас окаянных святого архангела Михаила и ангела Сихаиза и четырех евангелистов, и начнут вас бити и мучити железными прутьями, дадут вам по 3 и 300 ран на день и прогонять вас и отженут окаянных трясавиц и дияволиц от раба Божия им. в землю мрачную, темную, непроходную и безводную, в землю кипящую и горящую огнем и жупелом, навфою и смолою, на нейже человек не обитает, а Бог един презирает, и заключат вас тамо в безконечныя веки, веком, аминь".