"Боже сильный, Святый Сын, Царь царствующим и Господ господствующим, неприкосновенный небесным силам, егоже ужасаются всяческая, егоже нигдеже и никтоже видети может, емуже тысяща тысящами и тмы1) тмами святых ангел и архангел предстоят. Ты веси тайная сердца раба твоего, яко, не познавшу тебе первее, потворных сия неприязненная дела держах: облак еже не одождит, древа садовная, еже плода им не творити, еже не родити, а иныя не зачинати рости; на ограждение винограда токмо отверзох рости, творях, еже не цвести им, такоже и класом хлебным, еже не прозябати и плода не творити, и рыбам морским, еже им не плавати, и птицам, не летати; и прости всяко чародейство деях: вси лукавы беси работаху мне. Сия вся дел ради своих и грехов многих, и ныне убо, Господи, Боже, сильный и великий, благоволивый от недостойна достойну ми быти и сопричаститися святому твоему стаду, и преестественным величеством милосердовав о мне, и не восхоте погубити со беззаконными моими, знаема мя сотвори быти, связавый мя любовию своею твоей вере, не омерзи мене, грешнаго и недостойнаго раба твоего; припадаю бо, прошу пресвятое имя твое о всяком дому и о всех православных христианех, иже страждут от чародейств лукавых человек льстивых или от бесов, идеже прославится имя твое святое и призовут имя мое именем твоим, или прочтется молитва сия над которою главою, или в дому его, яко да разрешится от всякия пакости и одержания, и от зависти, злаго устрения и действеннаго отравления, и язычнаго ядения. И кто убо держать будет сию молитву во своем дому, да будет соблюден от всякаго ухищрения и потвора, и отравы лукавых и ближних сосед, да бежат от него бесове, злии дуси, и да отступит от него всяко мечтание бесовское. Грсподи, Боже, ты область имаши небесным и земным; ради имени твоего великаго и ради несказанныя твоея благодати, ради единороднаго Иисуса Хруста, услыши мя недостойнаго раба твоего в час сей: идеже аще прочтется житие мое или молитва сия, да разрешится, яко воск тающе от огня, тако лукаваго ухищрения и всякаго вреда человеческаго или животнаго, или винограднаго имения их малых и великих во имя живоначальныя Тройцы да будут просвещении суть и разрешени и разве Тебе иного Бога не знаем. Якоже от камени Моисею воду источил еси жезлом израилевым, тако Ты, Боже силен, положи руку твою державную и сильную, святую, полну благословения дому, имущему сию молитву. Яко насадил еси рай во Едеме и от того исходят твоим повелением четыре реки: Геон, Фисон, Тигр и Ефрат в тихости и адамский человек не может удержать, яко да не могут чародейственная дела или ловление бесовское апостольская удержати запрещения, еже има аз разреших и разрешаю, прогнах и прогоняю противная, злая, от злых человек пущена и лукавых бесов – от раба Божия, имя река, призывающаго мя именем твоим от всего имения его, яко же умножил еси лето Иезекию царю, тако да умножится вся земная и духовная имущему сию молитву служению ангел, пением серафимским Благовещение пресвятыя Богородицы от архангела Гавриила плотьскаго ради зачатия Сына Божия, Бога нашего Иисуса Христа, славнаго ради рождества его в Вифлиеме, засланием младенец от Ирода, святаго ради крещения, восприятием во Иорданстей реце, постом посте, искушением от диявола, ужасныя его победы на враги, ужаснаго суда его, ужасных чудес его, иже в мире бывших, исцеление даруя, прокаженных очищая, мертвыя оживляя, бесы изгоняя, иже во Иерусалим вход его, осанна сыну Давыдов, младенцем вопиющим ти, страсти ради распятия и погребения, и из мертвых воскресения, и еже на небеса вознесение, пение тмы тмами ангел и архангел, славы восходнаго твоего восхождения, песнословия, втораго и страшнаго пришествия твоего, власть ея же дал еси святым твоим учеником и апостолом, рече: "имже держите – держится, и елико аще разрешите на земли, будут разрешении на небесех. Ради бо сих имен и ради силы твоея заклинанаю и прогоняю духи лукавых, аще убо в небеси или на земли, или на пути, или на распутии, или во истоце, нли в реце, или в корени, или в кровли, или во дворех, или во оконце, или в верхнем порозе, или в нижнем, или в корени, или в ветви, и да разрешенно будет на поле, в нивах или в виноградех, или в вертоградех, или в ямах, или в траве, или в пещи, или в бани, или в капищи идольских, или в кожи рыбной, или в кожи змииной, или во власех брадных, или во главе, или во главном убрусе, или во зголовии, или в постели, или во обрезание ногтей ручных и ножных, или во обувениих, или в злате, или в сребре, или в меди, или в свинце, или в олове и железе, или в воску, или в кости, или во лбу человеческом или зверином, или в морских рыбах, или в животных морских, или земных животных, или в летающих по воздуху движимых и недвижимых, или в хартии, или в черниле, или в некоторой оной вещи и от студа затворены, да разрешатся. Аще ли есть писано в седмидесятих двух языцех, да разрешатся, понеже аз разреших и разрешаю тако Лукасуса, Марасалуна, Малуремираха, Ниона погнах и еще прогоняю; имена Тихиа, Сихахиа и Елизду, и протчия, иже от человеческаго рода самих ся и предавших в бесы – и сии да разрешатся, да изыдут от раба Божия, имя рек, Твоим повелением, Господи, и от дому его, имущему молитву сию святую, и от всего имения его малаго и великаго силою чеснаго и животворящаго креста и молитв ради пречистыя твоея матери, владычицы нашея, Богородицы, и молитв ради святых небесных сил, херувим и серафим, престол, грозных воинств, сил, начал и властей, ангел и архангел, и святых праведных патриарх Авраама, Исаака, Иякова, Мельхиседека и Иова; молитвою Иисуса Навина, иже солнце ста на мног часъ; молитв ради пророк и апостол, и мученик, и мучениц, святителей, священия человек, преподобных отец и преподобных жен, и святых исповедник, и безсребренникъ; молитв ради трех сот и осьмидесяти перваго собора и поручников нашего покаяния Василия Великаго и Григория Богослова, Иоана Златоустаго и Николы Чуднаго, и всех угодивших молитвами – да прогонятся, да удавится всяка злоба и лукавство, и зависть, и ревность, и удержания, и зло глаголание, и язычное ядение, и все, что деянная злых человек всякое совещание, да отдалится от раба Божия, имя река. Молитв ради пречистыя твоея Матери помилуй и спаси раба своего или рабу, имя река, да не прикоснется к нему и к дому его ни кое зло, ни зависть, ни чародейства, ни разбойства, ни беда, ни болезнь, ни какое зло, ни лукавство, ни во утренний день, ни вечерни, ни в нощи, ни в полунощи и во вся дни живота его, яко ты еси Бог наш и милуя, и спасая. И Тебе славу возсылаем". Отцу и Сыну, и Святому Духу, и ныне, и присно, и во веки веков. Аминь".
Молитва Пресвятой Богородицы
"Шла Богородица по земле, шла, приустала; легла спать, приуснула. Привидела сон про Господа Бога, про Христа Небеснаго: завели на гору, руки и ноги гвоздьем приковали, буйную главу весьма сшибли, горячую кровь разливали, тело Христово бело прободали. – Кто эту молитву прочитает по утреней зори и по вечерней зори, избавлен будет от мук вечных, от огня палящаго, от смолы кипящей, от воды топящей".
* * *
"Ангельское удивление, Апостольская преславная похвала, пророческая высокая проповедь, святителям изрядное украшение, мученикам крепкое утверждение, инокам спасение, Богу присвоение, чистым матерям девственным тихое веселие, младенцам мудрость и наказание, вдове и сироте кормительница, труждающим благое покоище, посникам изнемогающим воздержность, пленным избавление, нагим одеяние, болящим здравие, обидящим покровительница, в бедах сущим скорая помощница, молитвенница о душах наших; в путях легкое прихождение, в заблуждении нетрудная наставница, по морю плавающим, не бурями обуреваемая, тихое пристанище, ненадежным надеяние. Ты – мати чадолюбивая, Богоизбранная отроковица, Богообрядная невеста, чистая, непорочная, начало закона, стопа непоколебимая, глубина неизмеримая, благодать неизчерпаемая, несведомое чудо, родшая Иисуса Христа, царя и Бога нашего, грозная огненная колесница, нося в киоте Духа Святого, тела Христова, еретикам пагуба, мечу ярость… Спаси, Господи, и сохрани мора и прещения Духа Святого тела Христова… Ты – чаша и чара разстворенная, неже вина и елея, Духа Святого… Спаси, Господи, и сохрани обитель и дом сей. Ты еси – из Цариц Царица, небеснаго Царя Мати, всех творяй святая-святейшая, на небеси ухвалимая, по земле славимая, ангельскаго ума палата, Духа Святаго кадило благоуханное, порфира боготканная, багряница небеснаго престола, звезда светлозарная, небеснаго орла гнездо, орлица богоглаголивая, тихая и смирная… Спаси и сохрани грады наши, страны наши, святыя церкви Сына твоего единороднаго от нашествия иноплеменники, междоусобныя брани. Подай, Господи, для растворения воздуха, земных плодов твоих, младенцев напитай, юныя наставь, младость мою поддержи и сохрани. Препояши меня, Господи, поясом своим, силою честнаго и животворящаго Креста, предстательством пророка предтечева, крестителя Господня Иоанна. Помилуй нас, Господи, всякаго бого-ответа недоумеющаго сию Ти молитву, яко Владычице, грешнии приносим: помилуй нас!"