Три молитвы к Святой Троице
1. Трисвятое. Святый Боже, Святый Крепкий, Святый Бессмертный, помилуй нас (трижды).
2. Славословие. Слава Отцу, и Сыну, и Святому Духу, ныне и присно и во веки веков. Аминь.
3. Молитва. Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды).
Молитва, именуемая Господнею, потому что Сам Господь произнес ее для нашего употребления
Отче наш, Иже еси на небесех! Да святится имя Твое, да приидет царствие Твое, да будет воля Твоя, яко на небеси и на земли. Хлеб наш насущный даждь нам днесь, и остави нам долги наша, яко же и мы оставляем должником нашим; и не введи нас во искушение, но избави нас от лукаваго. Яко Твое есть царство и сила и слава во веки. Аминь.
Когда утром пробуждаешься от сна, подумай, а для чего же Бог дает тебе день, которого ты сам себе не можешь дать, и выдели первый час или хотя бы четверть часа даруемого тебе дня для принесения ее в жертву Богу в благодарной и благопросительной молитве. Чем усерднее ты это сделаешь, тем крепче оградишь себя от искушения, настигающего тебя каждый день.
Молитва святого Макария Великого, читаемая утром, после сна
К Тебе, Владыко Человеколюбче, от сна востав прибегаю, и на дела Твоя подвизаюся милосердием Твоим, и молюся Тебе: помози ми на всякое время, во всякой вещи, и избави мя от всякия мирския злыя вещи и диавольскаго поспешения, и спаси мя, и введи в Царство Твое вечное. Ты бо еси мой Сотворитель и всякому благу Промысленник и Податель, о Тебе же все упование мое, и Тебе славу возсылаю, ныне и присно и во веки веков. Аминь.
Молитва к Богоматери
1. Ангельское приветствие. Богородице, Дево, радуйся, благодатная Марие, Господь с тобою: благословенна Ты в женах, и благословен плод чрева Твоего, яко Спаса родила еси душ наших.
2. Величание Матери Божией. Достойно есть яко воистину блажити Тя, Богородицу приснаблаженную и пренепорочную и Матерь Бога нашего. Честнейшую херувим, и славнейшую без сравнения серафим, без истления Бога слова родшую, сущую Богородицу, Тя величаем.
Кроме Матери Божией, заступницы всех христиан перед Господом, у каждого имеются два ходатая за нас перед Богом молитвою и хранителя жизни нашей: это, во-первых, ангел наш из области духов бесплотных, коему Господь вверяет нас со дня крещения нашего, и, во-вторых, угодник Божий из святых, называемый также ангелом, коего имя мы носим со дня нашего рождения. Грешно забывать небесных своих благодетелей и не возносить им молитвы.
Молитва ангелу-хранителю, бесплотному хранителю жизни человеческой
Ангеле Божий, хранителю мой святый, на соблюдение мне от Бога с небесе данный! Прилежно молю тя: ты мя днесь просвети, и от всякого зла сохрани, ко благому деянию настави и на путь спасения направи. Аминь.
Молитва святому угоднику Божиему, коего именем мы называемся от рождения
Моли Бога о мне, святый угодниче Божий (имя) (или святая угоднице Божия (имя)), яко аз усердно к тебе прибегаю, скорому помощнику и молитвеннику о душе моей (или скорой помощнице и молитвеннице о душе моей) .
Молитва о живых
Спаси, Господи, и помилуй отца моего духовнаго (имя), родителей моих (имена), сродников (имена), начальников, наставников, благодетелей (имена их) и всех православных христиан.
Молитва об усопших
Упокой, Господи, души усопших раб Твоих: родителей моих, сродников, благодетелей (имена их), и всех православных христиан, и прости им вся согрешения вольная и невольная, и даруй им Царствие Небесное.
Краткая молитва Честному Кресту Господню
Огради мя, Господи, силою Честнаго и Животворящаго Твоего Креста, и сохрани мя от всякаго зла.
Эту молитву следует произносить перед самым сном, поцеловав крест, носимый на груди, и оградив себя и постель крестным знамением.
Вот молитвы, которые необходимо знать всякому православному христианину. Немного потребуется времени, чтобы не спеша прочитать их, ставши перед святою иконою: Благословение Божие на все добрые дела наши да будет наградою за усердие к Богу и наше благочестие…
Вечером, когда отходишь ко сну, помысли, что Бог дает тебе покой от трудов, и отыми начаток от времени твоего и покоя и посвяти его Богу чистою и смиренною молитвою. Ее благоухание приблизит к тебе Ангела для охранения твоего покоя.
Во время вечерней молитвы читается то же самое, только вместо утренней молитвы святая церковь предлагает нам следующее молитвословие.
Молитва на сон грядущий
Господи Боже наш, еже согреших во дни сем словом, делом и помышлением, яко Благ и Человеколюбец, прости ми. Мирен сон и безмятежен даруй ми. Ангела Твоего хранителя посли, покрывающа и соблюдающа мя от всякаго зла, яко Ты еси хранитель душам и телесем нашим, и Тебе славу возсылаем, Отцу и Сыну и Святому Духу, ныне и присно и во веки веков. Аминь .
Молитва перед принятием пищи
Очи все на Тя, Господи, уповают, и Ты даешь им пищу во благовремении, отверзаеши Ты щедрую руку Твою и исполняеши всякое животное благоволение.
Молитва после принятия пищи
Благодарим Тя, Христе Боже наш, яко насытил еси нас земных Твоих благ: не лиши нас и Небеснаго Твоего Царствия, но яки посреде учеников Твоих пришел еси, Спасе, мир даяй им, прииди к нам и спаси нас.
Молитва перед учением
Преблагий Господи, ниспосли нам благодать Духа Твоего Святаго, дарствующаго и укрепляющаго душевные наши силы, дабы, внимая преподаваемому нам учению, возрасли мы Тебе, нашему Создателю, во славу, родителем же нашим на утешение. Церкви и Отечеству на пользу.
Молитва после учения
Благодарим Тебе, Создателю, яко сподобил еси нас благодати Твоея, во еже внимати учению. Благослови наших начальников, родителей и учителей, ведущих нас к познанию блага, и подаждь нам силу и крепость к продолжению учения сего.
Учащимся наукам и искусствам с особенным усердием должно обращаться к Господу, ибо Он дает премудрость, и от лица Его познание и разум. Наипаче же им должно сохранять чистоту и непорочность сердца, дабы, не затмеваясь, входил в душу свет Божий.
Молитвы о помощи в житейских делах и благословении Божием над домом
Молитва о жительстве в новом доме
Боже Спасителю наш, изволивый под сень Закхееву внити, и спасение тому и всему дому того бывый: Сам и ныне здесь жити восхотевшыя, и нами недостойными мольбы Тебе и моления приносящыя, от всякаго вреда соблюди невредимы, благословляя тех здесь жилище, и ненаветен тех живот сохраняяй. Яко подобает Тебя всякая слава, честь и поклонение, со безначальным Твоим Отцем, и с Пресвятым, и Благим, и Животворящим Твоим Духом, ныне и присно, и во веки веков. Аминь.
Молитва о храмине, стужаемой от злых духов
Господи Боже, спасения нашего, Сыне Бога Живаго, не херувимех носимый, превыше сый всякаго начала и власти, и силы, и господства; Ты еси сотворивый землю в окрестности Твоей, и исправивый вселенную в премудрости Твоей, трясый и поднебесную от оснований, столпы же ея неподвижны; глаголяй солнцу и не возсияет, звезды же запечатляяй, запрещаяй морю и изсущаяй е, его же ярость тает начала и власти, и камение сотрясашася от Тебе. Врата медные стер еси, и вереи железныя сломил еси, крепкаго связал еси и сосуды его раздрал еси, мучителя Крестом Твоим низложил еси, и змия удицею вочеловечения Твоего прывлекл еси, и узами мрака в тартар посадив, связал еси. Сам убо Господи отжени и в бегство претвори всякое диавольское действо, и всякое сатанинское нахождение, всякий навет сопроивныя и надлежащия силы от крова сего, и от одержымый от него, и от обходящих под ним. Вся сущия в дому сем сохрани, избавляя их от страха нощнаго, и от стрелы летящия во дни, от вещи во тьме преходящия, от сряща и демона полуденнаго. Яко Ты еси, Боже, утверждение мое, крепкий обладател князь мира, Отец будущего века, и царство Твое царство вечное, и Тебе единаго есть царство, и сила, и слава, со Отцем и Святым Духом, ныне и присно, и во веки веков. Аминь.
Молитва священномученику Власию, епископу Севастийскому
Преблаженне и приснопамятне священномучениче Власие, дивный страдальче и предстателю наш теплый, по отшествии твоем в жизнь вечную призывающим твое святое имя пособствовати и во всяких прошениях услышанным быти обещавый! Се, ныне к тебе угоднику Божию, яко ко истинному ходатаю спасения, притекаем и смиренно молимся: предстани нам в помощь, узами грехов связанным, подвигнися на всемощныя твоя к Богу молитвы и помолися о нас грешных: тя бо, недостойнии, призывати на заступление дерзаем, и желаем от всех грехов наших тобою свобождение получити. О, святче Божий Власие! В сокрушении и смирении сердца нашего пред тобою припадаем и молимся: осияй нас, омраченных наветы вражиими, светом благодати свыше, да в нем ходяще, не преткнем о камень ног наших. Тя, яко сосуд в честь избранный и исполненный благодати Божия, молим: сподоби нас грешных от исполнения твоего желаемое прияти, и исцели наша душевныя и телесныя язвы, грехом же нашим прощение и душевному и телесному нашему здравию спасение полезное у Господа испроси, да всегда прославляем Отца и Сына и Святаго Духа, и твое милостивное предстательство о душах и телесех наших, ныне и присно и во веки веков. Аминь.